അയ്യങ്കാളി 156ാം ജന്മദിനാഘോഷ സമ്മേളനം

ഓമശ്ശേരി: ഇന്ത്യയിലെ പട്ടികജാതി-വർഗ വിഭാഗക്കാർ നിരന്തരം ആൾക്കൂട്ട ആക്രമണങ്ങൾക്കും, നിരന്തര പീഡനങ്ങൾക്കും വിധേയമാവുന്നതായി കേരള പട്ടികജാതി-വർഗ ഐക്യവേദി ഓമശ്ശേരിയിൽ സംഘടിപ്പിച്ച മഹാത്മാ അയ്യങ്കാളി 156ാം ജന്മദിനാഘോഷ സമ്മേളനം അഭിപ്രായപ്പെട്ടു. പട്ടികജാതി-വർഗ സംസ്ഥാന ഓർഗനൈസിങ് സെക്രട്ടറി പി. ഗോവിന്ദൻ ഉദ്ഘാടനം ചെയ്തു. വിജയൻ ചോലക്കര അധ്യക്ഷതവഹിച്ചു. പി.പി. പ്രഭാഷ്കുമാർ, വേലായുധൻ തച്ചംപൊയിൽ, ചന്ദ്രദാസ് പഴേടത്ത്, വി.കെ. ബാലൻ, രാജൻ കെട്ടുങ്ങൽ, മിനി ബാബു, ജിജിത്ത്, ബാലൻ അരീക്കൽ എന്നിവർ സംസാരിച്ചു.