പ്രളയ ദുരിതാശ്വാസ ക്യാമ്പിൽ സജീവമായി നാലാംക്ലാസുകാരനും

നരിക്കുനി: പറമ്പിൽ ബസാറിനടുത്ത കിരാലൂരിലെ ദുരിതാശ്വാസ ക്യാമ്പിൽ സജീവസാന്നിധ്യമായി മുഹമ്മദ് നിഹാൽ എന്ന കീരാല ൂർ എ.യു.പി സ്കൂളിലെ നാലാംക്ലാസ് വിദ്യാർഥിയും. മുഖ്യമന്ത്രിയുടെ ദുരിതാശ്വാസ നിധിയിലേക്ക് പ്രദേശത്തെ ജനങ്ങളിൽനിന്ന് സംഭാവന സ്വീകരിച്ചു നൽകാനുള്ള ശ്രമത്തിലാണ് നിഹാൽ. കേരള സർക്കാർ സാമൂഹിക നീതി വകുപ്പ് പുരസ്കാര ജേതാവ് ഫാത്തിമ ബിസ്മിയിൽനിന്ന് സംഭാവന സ്വീകരിച്ച് ഫണ്ട് ശേഖരണം ഉദ്ഘാടനം ചെയ്തു. വാർഡ് മെംബർ മോഹനൻ അധ്യക്ഷത വഹിച്ചു. പഞ്ചായത്ത് മെംബർ പി.കെ. േപ്രമവല്ലി മുഖ്യാതിഥിയായിരുന്നു. സ്കൂൾ അധ്യാപകരായ ജയകൃഷ്ണൻ, പി. മുഹമ്മദലി, ഷൈജൽ എന്നിവർ സംസാരിച്ചു.