എം.എല്‍.എയുടെ നേതൃത്വത്തില്‍ പ്രളയ ദുരിതാശ്വാസ ഫണ്ട് ശേഖരണം

കൊടുവള്ളി: കാരാട്ട് റസാഖ് എം.എല്‍.എയുടെ നേതൃത്വത്തില്‍ ജനപ്രതിനിധികളും കുടുംബശ്രീ അംഗങ്ങളും രാഷ്ട്രീയ സാമൂഹ ിക പ്രവര്‍ത്തകരും ചേര്‍ന്ന് കൊടുവള്ളിയില്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് ധനസമാഹരണം നടത്തി. വ്യാപാരികളില്‍ നിന്നുമാണ് ഫണ്ട് സ്വരൂപിച്ചത്. കൊടുവള്ളി നഗരസഭ ക്ഷേമകാര്യ സ്റ്റാൻഡിങ് കമ്മിറ്റി ചെയര്‍മാന്‍ കെ. ബാബു, കൗണ്‍സിലര്‍മാരായ സി.പി. നാസര്‍കോയ തങ്ങള്‍, കാരാട്ട് ഫസല്‍, യു.കെ. അബൂബക്കര്‍, കെ. സുബൈദ, ഒ. നിഷിത, അനിത അരീക്കോട്ടില്‍, സലീന, ഇ.സി. മുഹമ്മദ്, എം.പി. ഷംസുദ്ദീന്‍, സി.ഡി.എസ് ചെയര്‍പേഴ്‌സൻ വിമല, വൈസ് ചെയര്‍പേഴ്‌സൻ ഗീതാകുമാരി, കൊടുവള്ളി സർവിസ് സഹകരണ ബാങ്ക് പ്രസിഡൻറ് ഒ.പി. റഷീദ്, പി.ടി.സി. ഗഫൂർ, വേളാട്ട് മുഹമ്മദ്, ഒ.പി.ഐ. കോയ, കെ.ടി. സുനി, കെ. ഷറഫുദ്ദീൻ, പി.സി. വേലായുധൻ, അഡ്വ. പി. അബ്ദുറഹ്മാൻ തുടങ്ങിയവര്‍ പങ്കെടുത്തു.