ദുരന്തബാധിത മേഖലയും ക്യാമ്പുകളും കെ. മുരളീധരന്‍ സന്ദര്‍ശിച്ചു

പേരാമ്പ്ര: പ്രളയത്തിലകപ്പെട്ട ചങ്ങരോത്ത്, ചെറുവണ്ണൂർ പഞ്ചായത്തുകളിലെ ദുരിതാശ്വാസ ക്യാമ്പുകളും ദുരന്തബാധിത പ്രദേശങ്ങളും കെ. മുരളീധരൻ എം.പി സന്ദർശിച്ചു. പഞ്ചായത്തിലെ വിവിധ ഭാഗങ്ങളില്‍ ചുഴലിക്കാറ്റ്, വെള്ളപ്പൊക്കം എന്നിവ മൂലമുണ്ടായ നാശനഷ്ടങ്ങള്‍ ഭരണസമിതി അംഗങ്ങളില്‍നിന്ന് അദ്ദേഹം ചോദിച്ചറിഞ്ഞു. ചങ്ങരോത്ത് ഗ്രാമപഞ്ചായത്ത് പ്രസിഡൻറ് ഇന്‍ചാര്‍ജ് മൂസ കോത്തമ്പ്ര, ഷൈലജ ചെറുവോട്ട്, മണ്ഡലം കോണ്‍ഗ്രസ് പ്രസിഡൻറ് ഇ.ടി. സരിഷ്, സത്യന്‍ കടിയങ്ങാട്, വി.എന്‍. വിജയന്‍, മോഹന്‍ദാസ് ഓണിയില്‍, രാജന്‍ പുതിയേടത്ത്, കെ.എം. ശ്രീനാഥ് എന്നിവര്‍ എം.പിക്കൊപ്പമുണ്ടായിരുന്നു.