ക്യാമ്പുകൾ സന്ദർശിച്ചു

പേരാമ്പ്ര: ഉപജില്ലയില്‍ പ്രവര്‍ത്തിക്കുന്ന വിവിധ ദുരിതാശ്വാസ ക്യാമ്പുകള്‍ കെ.പി.എസ്.ടി.എ നേതാക്കള്‍ സന്ദര്‍ശ ിച്ചു. സംസ്ഥാന പ്രവര്‍ത്തക സമിതി അംഗം വി.കെ. രമേശന്‍, ജില്ല പ്രസിഡൻറ് സജീവന്‍ കുഞ്ഞോത്ത്, സംസ്ഥാന കൗണ്‍സിലര്‍ പി. രാമചന്ദ്രന്‍, വിദ്യാഭ്യാസ ജില്ല സെക്രട്ടറി സുരേഷ്, പി. മധുസൂദനന്‍, കെ. സജീഷ്, മനോജ് അഴകത്ത്, ഇ. മജീദ് എന്നിവരാണ് ക്യാമ്പുകള്‍ സന്ദര്‍ശിച്ചത്. വാല്യക്കോട് എ.യു.പി സ്കൂളില്‍ പ്രവര്‍ത്തിക്കുന്ന ക്യാമ്പിലേക്കാവശ്യമായ പുല്‍പ്പായ ഉപജില്ല സെക്രട്ടറി ഇ. മജീദ് നൊച്ചാട് ഗ്രാമപഞ്ചായത്ത് പ്രസിഡൻറ് പി.എം. കുഞ്ഞിക്കണ്ണന് കൈമാറി. പ്രധാനാധ്യാപിക സി. രഞ്ജിനി, ഗ്രാമപഞ്ചായത്തംഗം കെ.ടി. ബാലകൃഷ്ണന്‍ എന്നിവര്‍ സന്നിഹിതരായിരുന്നു.