പുതുപ്പാടി സഹകരണ ബാങ്ക് തെരഞ്ഞെടുപ്പ്: മുഴുവൻ സീറ്റും സഹകരണ ജനാധിപത്യ മുന്നണിക്ക്​

ഈങ്ങാപ്പുഴ: പുതുപ്പാടി സർവിസ് സഹകരണ ബാങ്ക് ഭരണസമിതി തെരഞ്ഞെടുപ്പില്‍ മുഴുവന്‍ സീറ്റുകളും സി.പി.എം നേതൃത്വം നല്‍കുന്ന സഹകരണ ജനാധിപത്യ മുന്നണി നേടി. 13 അംഗ ഭരണസമിതിയില്‍ അഞ്ചുപേര്‍ നേരേത്ത എതിരില്ലാതെ തെരെഞ്ഞടുക്കപ്പെട്ടിരുന്നു. അവശേഷിച്ച എട്ടു സ്ഥാനങ്ങളിലേക്കുള്ള തെരഞ്ഞെടുപ്പില്‍ സി.പി.ഐയുടെ മൂന്നും കോണ്‍ഗ്രസിലെ ഒന്നും സ്ഥാനാർഥികളാണ് സഹകരണമുന്നണിക്കെതിരായി മത്സരിച്ചത്. ഗീത ഗോപാലൻ, കെ. ശശീന്ദ്രന്‍, ഷീജ വിശ്വനാഥൻ, ടി.യു. അമ്മിണി, ഹെലോയിസി സിബി എന്നിവരാണ് എതിരില്ലാതെ തെരഞ്ഞെടുക്കപ്പെട്ടത്. മത്സരത്തിലൂടെ വിജയിച്ചവര്‍ ഇ.കെ. അബ്ദുൽ റഹ്മാന്‍, എം.ഡി. ജോസ്, എ.എം. ഫൈസൽ, സി.കെ. മുഹമ്മദലി, കെ.സി. വേലായുധൻ, രാജു സ്‌കറിയ, രാജുമാമ്മൻ, ടി.എ. മൊയ്തീന്‍ എന്നിവരാണ്. കെ.സി വേലായുധനെ പ്രസിഡൻറായും ടി.എ. മൊയ്തീനെ വൈസ് പ്രസിഡൻറായും തെരഞ്ഞെടുത്തു.