ശിഹാബ് തങ്ങൾ അനുസ്മരണവും പ്രാർഥന സദസ്സും

മേപ്പയൂർ: എം.എസ്.എഫ് മേപ്പയൂർ പഞ്ചായത്ത് കമ്മിറ്റി ആഭിമുഖ്യത്തിൽ പാണക്കാട് മുഹമ്മദലി ശിഹാബ് തങ്ങൾ അനുസ്മരണ സംഗമവും പ്രാർഥന സദസ്സും സംഘടിപ്പിച്ചു. മേപ്പയൂർ എ.വി സൗധത്തിൽ നടന്ന പരിപാടി മുസ്ലിംലീഗ് പേരാമ്പ്ര നിയോജക മണ്ഡലം ജനറൽ സെക്രട്ടറി എം.കെ. അബ്ദുറഹ്മാൻ ഉദ്ഘാടനം ചെയ്തു. മുഖ്യാതിഥി ഹുസൈൻ ദാരിമി പ്രാർഥനക്ക് നേതൃത്വം നൽകി. വി.എം. അഫ്സൽ അധ്യക്ഷത വഹിച്ചു. പഞ്ചായത്ത് മുസ്ലിം ലീഗ് സെക്രട്ടറി മുജീബ് കോമത്ത് അനുസ്മരണ പ്രഭാഷണം നടത്തി. തബ്ശീർ പേരാമ്പ്ര, ദിൽഷാദ് കൂത്താളി, ഫൈസൽ ചാവട്ട്, കെ. ലബീബ് അഷ്റഫ്, എം.കെ. ഫസലുറഹ്മാൻ, ഹാരിസ് കൊല്ലിയിൽ എന്നിവർ സംസാരിച്ചു.