ശിഹാബ് തങ്ങളുടെ നിലപാടുകൾ പുതിയകാലത്തും പ്രസക്തം -സി.പി. ചെറിയ മുഹമ്മദ്

മുക്കം: പാണക്കാട് മുഹമ്മദലി ശിഹാബ് തങ്ങൾ വിടപറഞ്ഞ് ഒരു പതിറ്റാണ്ട്‌ കഴിഞ്ഞിട്ടും അദ്ദേഹത്തിൻെറ നിലപാടുകളും പ്രവർത്തന രീതിയും പ്രസക്തമാെണന്ന് മുസ്‌ലിം ലീഗ് സംസ്ഥാന സെക്രട്ടറി സി.പി. ചെറിയ മുഹമ്മദ് അഭിപ്രായപ്പെട്ടു. ഭരണകൂടങ്ങൾപോലും മതത്തിൻെറയും വർഗത്തിൻെറയും പേരിൽ ചേരിതിരിവ് സൃഷ്ടിക്കുമ്പോൾ ശിഹാബ് തങ്ങളുടെ നീതിബോധവും മതേതര സമീപനങ്ങളും മാതൃകയാക്കണന്നും അദ്ദേഹം പറഞ്ഞു. മുരിങ്ങംപുറായി മേഖല മുസ്‌ലിം ലീഗ് സംഘടിപ്പിച്ച ശിഹാബ് തങ്ങൾ അനുസ്മരണ സമ്മേളനം ഉദ്ഘാടനം ഉദ്ഘാടനം ചെയ്യുകയായിരുന്നു അദ്ദേഹം. മേഖല ചെയർമാൻ എ.പി. ഹൈദ്രൂസ് അധ്യക്ഷത വഹിച്ചു. നിയോജക മണ്ഡലം ലീഗ് പ്രസിഡൻറ് സി.കെ. കാസിം, മണ്ഡലം ലീഗ് സെക്രട്ടറി വി.എ റഷീദ്, പഞ്ചായത്ത് ലീഗ് പ്രസിഡൻറ് കെ. കോയ, യൂത്ത് ലീഗ് പഞ്ചായത്ത് പ്രസിഡൻറ് റഊഫ് കൊളക്കാടൻ, ഗസീബ് ചാലൂളി, വാർഡ് മെംബർ പി.പി. ശിഹാബുദ്ധീൻ, പി.സി ബഷീർ, ടി.വി സൈയ്ഫുദ്ധീൻ, എ.പി. അബ്ദുൽ ഹക്കീം, വി.ടി. ഹഫീസ് എന്നിവർ സംസാരിച്ചു.