മികച്ച കര്‍ഷകരെ അനുമോദിച്ചു

താമരശ്ശേരി: ജെ.സി.ഐ താമരശ്ശേരി ടൗണ്‍ ചാപ്റ്ററിൻെറ നേതൃത്വത്തില്‍ മികച്ച കര്‍ഷകരെ ആദരിച്ചു. സല്യൂട്ട് ദ സൈലൻറ് വര്‍ക്കര്‍ അവാര്‍ഡുകള്‍ കര്‍ഷകരായ ഗോവിന്ദന്‍കുട്ടി നായര്‍, സുരേന്ദ്രന്‍ എന്നിവര്‍ക്ക് താമരശ്ശേരി ഗ്രാമപഞ്ചായത്ത് പ്രസിഡൻറ് ഹാജറ കൊല്ലരുകണ്ടി സമര്‍പ്പിച്ചു. കെ. വേണു അധ്യക്ഷതവഹിച്ചു. പഞ്ചായത്ത് അംഗം കെ. സരസ്വതി, ജെ.സി.ഐ പ്രസിഡൻറ് ജോബിന്‍ജോണ്‍, കൃഷി ഓഫിസര്‍ കെ.എ ഷിജോ, ബെന്നി എന്നിവര്‍ സംസാരിച്ചു. ശിഹാബ് തങ്ങള്‍ അനുസ്മരണം താമരശ്ശേരി: പുതുപ്പാടി പഞ്ചായത്ത് യൂത്ത് ലീഗ് കമ്മിറ്റിയുടെ നേതൃത്വത്തില്‍ നടന്ന ശിഹാബ് തങ്ങള്‍ അനുസ്മരണ സംഗമം തിരുവമ്പാടി മണ്ഡലം യൂത്ത് ലീഗ് പ്രസിഡൻറ് കെ.പി. സുനീര്‍ ഉദ്ഘാടനം ചെയ്തു. കെ. തന്‍സീര്‍ അധ്യക്ഷത വഹിച്ചു. കെ.സി. ശിഹാബ്, സി.പി. റിയാസ്, അസ്നില്‍, ഷംസീര്‍ പോത്താറ്റില്‍, നംഷിദ് പുതുപ്പാടി, മുഹമ്മദലി, പി.എ. അസീസ്, അഫ്‌സല്‍ മാനു, ലബാന്‍ കുഞ്ഞുകുളം എന്നിവര്‍ സംസാരിച്ചു.