ആരാമ്പ്രം ഗവ.എം യു.പി സ്കൂളിൽ ശാസ്ത്ര ലാബ്

കൊടുവള്ളി: മടവൂർ ഗ്രാമപഞ്ചായത്തിൻെറ വാർഷിക പദ്ധതിയിൽ ഉൾപ്പെടുത്തി ആരാമ്പ്രം ഗവ.എം.യു.പി സ്കൂളിൽ സജ്ജീകരിച്ച ആധുനിക ശാസ്ത്ര ലാബിൻെറ ഉദ്ഘാടനം മടവൂർ ഗ്രാമപഞ്ചായത്ത് പ്രസിഡൻറ് പി.വി. പങ്കജാക്ഷൻ നിർവഹിച്ചു. ഗ്രാമ പഞ്ചായത്ത് അംഗം സിന്ധു മോഹൻ അധ്യക്ഷതവഹിച്ചു. വൈസ് പ്രസിഡൻറ് കെ.ടി. ഹസീന, അംഗങ്ങളായ വി.സി. റിയാസ് ഖാൻ, സക്കീന മുഹമ്മദ്, റിയാസ് ഇടത്തിൽ, ഇ. മഞ്ജുള, എ.പി. അബു, പി.ടി.എ പ്രസിഡൻറ് എം.കെ. ഷമീർ, എ.കെ. ജാഫർ, എൻ. ഖാദർ, നജ്ല, അധ്യാപകരായ പി.കെ. സജീവൻ, കെ.ജി. ഷീജ, പി. ജയപ്രകാശ് എന്നിവർ സംസാരിച്ചു. പ്രഥമാധ്യാപകൻ വി.കെ. മോഹൻദാസ് സ്വാഗതവും സ്റ്റാഫ് സെക്രട്ടറി അബ്ദുൽ ഷുക്കൂർ നന്ദിയും പറഞ്ഞു.