34.30 ലക്ഷത്തി​െൻറ കുഴല്‍പണം പിടികൂടി

34.30 ലക്ഷത്തിൻെറ കുഴല്‍പണം പിടികൂടി സുല്‍ത്താന്‍ ബത്തേരി: മുത്തങ്ങ വഴി രേഖകളില്ലാതെ കടത്താന്‍ ശ്രമിച്ച 34 ലക്ഷം ര ൂപ പിടികൂടി. വയനാട് എക്സൈസ് ഇൻറലിജന്‍സും എക്സൈസ് സ്പെഷ്യല്‍ സ്‌ക്വാഡും നടത്തിയ വാഹന പരിശോധനയിലാണ് 34.30 ലക്ഷം രൂപ പിടിച്ചെടുത്തത്. സംഭവത്തില്‍ തമിഴ്‌നാട് മധുര സ്വദേശിയായ മുരുകേശനെ (53) കസ്റ്റഡയിലെടുത്തു. ബംഗളൂരു-കോഴിക്കോട് കെ.എസ്.ആര്‍.ടി.സി ബസിലെ യാത്രക്കാരനായിരുന്നു ഇയാളെന്ന്്് അധികൃതര്‍ പറഞ്ഞു. എക്സൈസിന് ലഭിച്ച രഹസ്യവിവരത്തിൻെറ അടിസ്ഥാനത്തിലാണ് പരിശോധന നടത്തിയത്. ഇന്‍സ്പെക്ടര്‍ എം.കെ. സുനില്‍, പ്രിവൻറിവ് ഓഫിസര്‍മാരായ കെ.ബി. ബാബുരാജ്, പി.കെ. പ്രഭാകരന്‍, കെ. രമേഷ്, കെ.ജെ. സന്തോഷ്, കെ.വി. ഷാജിമോന്‍, പി.എസ്. വിനീഷ്്, സിവില്‍ എക്സൈസ് ഓഫിസര്‍മാരായ സനൂപ്, സുരേഷ്, എക്സൈസ് െഡ്രെവര്‍മാരായ വീരാന്‍ കോയ, ചാക്കോ എന്നിവർ പരിശോധനയില്‍ പങ്കെടുത്തു. രാത്രിയോടെ പ്രതിയെയും പണവും ബത്തേരി പൊലീസിന് കൈമാറി. FRIWDG1 കുഴൽപണം പിടികൂടിയ എക്സൈസ് സംഘം പ്രതിയോടൊപ്പം