യൂട്യൂബിൽ ഗെയിം കളിച്ചു നേടിയ തുക ചികിത്സ സഹായത്തിന് കൈമാറി വിദ്യാർഥികൾ

നാദാപുരം: ഇയ്യംകോട് അനീഷിൻെറ വൃക്ക മാറ്റിവെക്കുന്നതിൻെറ ചികിത്സ സഹായത്തിലേക്ക് വേറിട്ട രീതിയിൽ പണം സമാഹരിച് ച് ബി.ടെക് വിദ്യാർഥികൾ മാതൃകയായി. കോഴിക്കോട് കുമാരസ്വാമി പ്രദേശത്തെ വടക്കുംവീട്ടിൽ രേഖവർമ ടീച്ചറുടെ മക്കളായ സച്ചിൻ വർമ, കിരൺ വർമ എന്നീ ബി.ടെക് വിദ്യാർഥികളാണ് യൂട്യൂബിലൂടെ ഗെയിം കളിച്ച് 60,000 രൂപ നേടിയത്. ഈ തുക ജീവകാരുണ്യ പ്രവർത്തനത്തിനായി വിനിയോഗിക്കണമെന്ന ആഗ്രഹപ്രകാരമാണ് ചികിത്സ സഹായ കമ്മിറ്റി ഭാരവാഹികൾക്ക് തുക കൈമാറിയത്. കമ്മിറ്റി ചെയർപേഴ്സൻ കെ. രമണി, കൺവീനർ പി. അശോകൻ, എ. ബാലൻ എന്നിവർ സംസാരിച്ചു.