തൂണേരിയിൽ അപകടക്കുരുക്കായി റോഡരികിലെ കുഴി

നാദാപുരം: കുടിവെള്ള പൈപ്പ് പൊട്ടിയ കുഴി തൂണേരിയിൽ അപകട ഭീഷണി ഉയർത്തുന്നു. ടൗണിനോട് ചേർന്ന് തലശ്ശേരി റോഡിലാണ് വാഹനങ്ങൾക്കും കാൽനടക്കാർക്കും ഭീഷണിയായ കുഴിയുള്ളത്. ഇവിടെ വാഹനങ്ങൾ വശത്തേക്ക് ഒതുക്കിനിർത്തുേമ്പാൾ അപകടത്തിൽപ്പെടാൻ സാധ്യതയേറെയാണ്. രാത്രികാലത്ത് കാൽനടക്കാർ ഏറെ ബുദ്ധിമുട്ടുകയാണ്. കുഴിക്ക് ചുറ്റും അപകട മുന്നറിയിപ്പ് നൽകി ബോർഡ് സ്ഥാപിക്കാൻ അധികൃതർ തയാറായിട്ടില്ല. പൈപ്പ് പൊട്ടി കുഴി രൂപപ്പെട്ടിട്ട് ഒരാഴ്ചയായി.