പ്രതിഭകളെ അനുമോദിച്ചു

എളേറ്റിൽ: പരീക്ഷകളിൽ മികച്ച വിജയം നേടിയവരെ കിഴക്കോത്ത് ഗ്രാമപഞ്ചായത്ത് അനുമോദിച്ചു. എളേറ്റിൽ എ.ജെ ഹയർ സെക്കൻഡറി സ്കൂൾ ഓഡിറ്റോറിയത്തിൽ നടന്ന അനുമോദന യോഗം കൊടുവള്ളി ബ്ലോക്ക് പഞ്ചായത്ത് പ്രസിഡൻറ് മൈമൂന ഹംസ ഉദ്ഘാടനം ചെയ്തു. വിജയികൾക്കുള്ള ഉപഹാര വിതരണം കിഴക്കോത്ത് ഗ്രാമപഞ്ചായത്ത് പ്രസിഡൻറ് എൻ.സി. ഉസ്സയിൻ നിർവഹിച്ചു. വൈസ്പ്രസിഡൻറ് യു.പി. നഫീസ അധ്യക്ഷത വഹിച്ചു. കെ.കെ. ജബ്ബാർ, ബി.പി.ഒ. വി.എം. മഹ്റലി, ബ്ലോക്ക് പഞ്ചായത്ത് മെംബർ പി.കെ. മൊയ്തീൻ ഹാജി, റജ്ന കുറുക്കാംപൊയിൽ, എം.എസ് . മുഹമ്മദ്, കെ.എം. ആഷിഖുറഹ്മാൻ, ടി.പി. ഇബ്രാഹീം. ഷിജി ഒരലാക്കോട്, ജാഫർ അഷ്റഫ്, ഷുക്കൂർ, പി.പി. ഫൈസൽ എന്നിവർ സംസാരിച്ചു.