ബസ് ഇടിച്ച് കാർ തലകീഴായി മറിഞ്ഞു

കൊയിലാണ്ടി: ബസ് ഇടിച്ച് കാർ തലകീഴായി മറിഞ്ഞു. അഭിഭാഷകനും ഭാര്യക്കും നിസ്സാര പരിക്കേറ്റു. കൊയിലാണ്ടി ബാറിലെ അഭിഭാഷകൻ മുചുകുന്ന് ഇമ്മിണിത്ത് ജി. പ്രവീൺകുമാർ (42), ഭാര്യ പി.ഡബ്ല്യു.ഡി ഓവർസിയർ പ്രേരിത (40) എന്നിവർക്കാണ് പരിക്ക്. ചൊവ്വാഴ്ച രാവിലെ ഇവർ സഞ്ചരിച്ച കാറിൽ ദേശീയപാതയിൽ വെറ്റിലപ്പാറയിൽവെച്ച് കോഴിക്കോടുനിന്ന് തലശ്ശേരിക്കു പോകുകയായിരുന്ന പെർഫക്റ്റ് ബസ് ഇടിക്കുകയായിരുന്നു. ഇടിയുടെ ആഘാതത്തിൽ കാർ തലകീഴായി മറിയുകയായിരുന്നു. പരിക്കേറ്റ ഇരുവരും താലൂക്ക് ഹെഡ്ക്വാർട്ടേഴ്സ് ആശുപത്രിയിൽ ചികിത്സ തേടി. അപകടം നടന്ന ഉടൻ ഡ്രൈവർ ഓടിരക്ഷപ്പെട്ടു.