കീഴ്പയ്യൂർ എ.യു.പി സ്കൂൾ ഇനി സമ്പൂർണ സ്മാർട്ട്

മേപ്പയൂർ: വിദ്യാഭ്യാസ സ്ഥാപനങ്ങളുടെ ഭൗതിക-സാമ്പത്തിക വികസനത്തിന് എം.പി ഫണ്ട് വിനിയോഗിക്കുന്നതിന് മുൻഗണന നൽകുമെന്ന് കെ. മുരളീധരൻ എം.പി. കീഴ്പയ്യൂർ എ.യു.പി സ്കൂളിൽ ഐ.ടി തിയറ്ററിൻെറ ഉദ്ഘാടനവും സമ്പൂർണ സ്മാർട്ട് സ്കൂൾ പ്രഖ്യാപനവും നിർവഹിക്കുകയായിരുന്നു അദ്ദേഹം. ബ്ലോക്ക് പഞ്ചായത്ത് പ്രസിഡൻറ് കെ. കുഞ്ഞിരാമൻ അധ്യക്ഷത വഹിച്ചു. മാനേജർ കണ്ടോത്ത് അസൈനാർ ഉപഹാര സമർപ്പണവും പ്രസിഡൻറ് സിറാജ് പൊയിൽ നിവേദന സമർപ്പണവും നടത്തി. മേപ്പയൂർ പഞ്ചായത്ത് പ്രസിഡൻറ് പി.കെ. റീന, പഞ്ചായത്ത് അംഗം കെ. രതീഷ്, എ.വി. അബ്ദുല്ല, പൂക്കോട്ട് ബാബു, ടി.കെ. ലത്തീഫ്, ഭാസ്കരൻ കൊഴുക്കല്ലൂർ, കെ. ലോഹ്യ, എ.ഇ.ഒ രാജൻ, ബി.പി.ഒ രാഹുൽ എന്നിവർ സംസാരിച്ചു. ഹെഡ്മാസ്റ്റർ സി.കെ. മൻസൂർ സ്വാഗതവും പി. അനിത നന്ദിയും പറഞ്ഞു.