അനുമോദനവും യാത്രയയപ്പും

നന്തിബസാർ: നീറ്റ്‌ പരീക്ഷയിൽ ഉന്നത വിജയം നേടിയ മുഹമ്മദ് ഫാസിലിനെയും കൊടുവള്ളി ബ്ലോക്ക് സ്റ്റാൻഡിങ് കമ്മിറ്റി ചെയർമാനായി തെരഞ്ഞെടുക്കപ്പെട്ട ഒതയോത്ത് അഷ്‌റഫിനേയും മൂടാടി പഞ്ചായത്ത് ലീഗ് കമ്മിറ്റി ആദരിച്ചു. പ്രദേശങ്ങളിൽനിന്ന് ഈ കൊല്ലത്തെ ഹജ്ജ് കർമം നിർവഹിക്കാൻ പോകുന്നവർക്ക് യാത്രയയപ്പും നൽകി. പി. അഹമ്മദ് ദാരിമി അധ്യക്ഷത വഹിച്ചു. നന്തി ദഅ്വ കോളജ് പ്രിൻസിപ്പൽ തഖ്‌യുദ്ദീൻ ഹൈത്തമി ഉദ്ഘാടനം ചെയ്തു. ഹാഷിം മന്നാനി മുഖ്യ പ്രഭാഷണം നടത്തി. ഫാസിലിന് ചെക്കോട്ടി ഹാജിയും അഷ്റഫിന് അഹമ്മദ്‌ ഫൈസിയും ഉപഹാരങ്ങൾ നൽകി. പി.പി. കരീം, സി.കെ. അബൂബക്കർ, പി.എം. ഖാലിദ് ഹാജി, അഹമ്മദ്‌ ഫൈസി, മുതുകുനി മുഹമ്മദാലി, കെ.പി. കരീം എന്നിവർ സംസാരിച്ചു.