പുസ്തകങ്ങൾ നൽകി

ചേമഞ്ചേരി: വായനപക്ഷാചരണത്തിൻെറ ഭാഗമായി, ചേമഞ്ചേരി യു.പി സ്കൂൾ ലൈബ്രറിയിലേക്ക് പതിനായിരം രൂപയുടെ ശാസ്ത്ര പുസ് തകങ്ങൾ പൂർവ വിദ്യാർഥികളും പൂർവ അധ്യാപകരും ചേർന്നു നൽകി. കെ.ടി. രാധാകൃഷ്ണൻ ഹെഡ്മിസ്ട്രസ് കെ.എം. ആശക്ക് കൈമാറി. വാർഡ് അംഗം മാടഞ്ചേരി സത്യനാഥൻ അധ്യക്ഷത വഹിച്ചു. എം. അഹമ്മദ് കോയ ഹാജി, ബിജു കാവിൽ, എൻ.കെ. അനൂപ് കുമാർ, കെ.കെ. ശ്രീഷു, വി. മുഹമ്മദ് ഷെരീഫ്, സി.കെ. സജിത എന്നിവർ സംസാരിച്ചു. ലഹരിവിരുദ്ധ ദിനം ആചരിച്ചു കൊയിലാണ്ടി: കേരള വ്യാപാരി വ്യവസായി ഏകോപന സമിതി മേഖല യൂനിറ്റ് ലഹരി വിരുദ്ധ ദിനം ആചരിച്ചു. ലഹരിവിരുദ്ധ റാലിയും യോഗവും നഗരസഭ കൗൺസിലർ വി.പി. ഇബ്രാഹിം കുട്ടി ഉദ്ഘാടനം ചെയ്തു. കെ.എം. രാജീവൻ അധ്യക്ഷത വഹിച്ചു. മണിയോത്ത് മൂസ, ടി.പി. ഇസ്മാഈൽ, സൗമിനി മോഹൻദാസ്, ശശീന്ദ്രൻ, ജലീൽ മൂസ, റിയാസ് അബൂബക്കർ, അബ്ദുൽ സലാം, ബഷീർ, ഗിരീഷ്, ഉഷ മനോജ്, ശശികല, മുജീബ്, സന്തോഷ്, ഫാറൂഖ് എന്നിവർ സംസാരിച്ചു.