സ്കൂൾ വിദ്യാർഥികൾക്ക് യുവ വ്യാപാരിയുടെ സമ്മാനമായി യൂനിഫോം

പുതിയങ്ങാടി: ഗവൺമൻെറ് എൽ.പി സ്കൂളിലെ എൽ.കെ.ജി, യു.കെ.ജി വിദ്യാർഥികൾക്ക് യൂനിഫോം സമ്മാനം നൽകി യുവ വ്യാപാരി. പുതിയ ങ്ങാടി സ്വദേശിയും ചൈനയിലെ വ്യാപാരിയുമായ ഷലീജ് ബാബുവാണ് മുഴുവൻ വിദ്യാർഥികൾക്കും യൂനിഫോമും കളിപ്പാട്ടങ്ങളും നൽകിയത്. രണ്ടു മാസത്തേക്ക് സ്കൂളിലെ മുഴുവൻ വിദ്യാർഥികൾക്കും പ്രഭാതഭക്ഷണവും ഇദ്ദേഹത്തിൻെറ വകയായുണ്ട് . പി.ടി.എ പ്രസിഡൻറ് കെ.ടി. അഫ്സൽ അധ്യക്ഷത വഹിച്ചു. ബിന്ദു ബാബുരാജ്, എം.കെ. മഹേഷ് എന്നിവർ സംസാരിച്ചു. സ്കൂൾ ഹെഡ്മാസ്റ്റർ സി.കെ. ഫൈസൽ സ്വാഗതവും കെ.വി. ജയശ്രീ നന്ദിയും പറഞ്ഞു .