റിലീഫ്​ വിതരണം

കോഴിക്കോട്: ജനറൽ റിലീഫ് ഫോറത്തിൻെറ ആഭിമുഖ്യത്തിൽ (ജി.ആർ.എഫ്) വയനാട്, അത്തോളി, കക്കോടി, കോഴിക്കോട് സിറ്റി ഉൾപ്പെടെയുള്ള ഭാഗങ്ങളിൽ 11,786 നിർധന കുടുംബങ്ങൾക്ക് പുതുവസ്ത്രങ്ങളും ഭക്ഷണ കിറ്റും വിതരണം ചെയ്തു. ഗാന്ധിഗൃഹത്തിൽ നടന്ന വിതരണോദ്ഘാടനം വി.ടി. സമീർ നിർവഹിച്ചു. ജി.ആർ.എഫ് പ്രസിഡൻറ് അസീസ് എണ്ണപ്പാടം അധ്യക്ഷത വഹിച്ചു. ജോയൻറ് സെക്രട്ടറി വി.കെ. ശിവാനന്ദൻ, പി.കെ. ഹംസകോയ പുതിയങ്ങാടി, ഫിറോസ് കൊമ്മേരി, എൻ. മുജീബ് റഹ്മാൻ, കെ.കെ. ത്വൽഹത്ത്, സി.പി. കമറുദ്ദീൻ, അബ്ദുസ്സമദ് മാങ്കാവ്, എം.പി. ആഷിക്ക് ബാബു, മുഹമ്മദ് അസ്ലം എം.പി എന്നിവർ സംസാരിച്ചു. ജി.ആർ.എഫ് ജനറൽ സെക്രട്ടറി ടി. അബ്ദുൽ ഗഫൂർ സ്വാഗതവും ട്രഷറർ എ.ടി. മുസ്തഫ അരീക്കാട് നന്ദിയും പറഞ്ഞു.