ഷിഗല്ല സ്ഥിരീകരിച്ച കുരുവട്ടൂരിൽ പ്രതിരോധ പ്രവർത്തനങ്ങൾ ഊർജിതമാക്കി

കുരുവട്ടൂർ: ഗ്രാമപഞ്ചായത്തിൽ ഷിഗല്ല രോഗബാധ സ്ഥിരീകരിച്ചതിനെ തുടർന്ന് ആരോഗ്യ പ്രവർത്തകൾ പ്രതിരോധ നടപടികൾ സ്വീകരിച്ചു. കഴിഞ്ഞ ദിവസം മെഡിക്കൽ കോളജ് മാതൃ ശിശു സംരക്ഷണ കേന്ദ്രത്തിൽ പ്രവേശിപ്പിച്ച കുട്ടിക്ക് ഷിഗല്ലയാണെന്ന് സ്ഥിരീകരിച്ചിരുന്നു. ജില്ല ആരോഗ്യ വിഭാഗം നിർദേശം നൽകിയതിനെ തുടർന്നാണ് പ്രാഥമികാരോഗ്യ കേന്ദ്രത്തിൻെറ നേതൃത്വത്തിൽ പ്രതിരോധ പ്രവർത്തനങ്ങൾ നടത്തിയത്. പ്രദേശത്ത് ബോധവത്കരണ ക്ലാസും നടന്നു. പി.എച്ച്.സി എച്ച്.െഎ. കെ.പി. വസന്ത, ജെ.എച്ച്.ഐ മുഹമ്മദ് ഷമീർ എന്നിവരുടെ നേതൃത്വത്തിലായിരുന്നു പ്രതിരോധ പ്രവർത്തനങ്ങൾ.