അടച്ചിട്ട വീട്ടിൽനിന്ന്​ ​സ്വർണവും പണവും കവർന്നു

കോഴിക്കോട്: അടച്ചിട്ട വീടിൻെറ വാതിൽ കുത്തിത്തുറന്ന് സ്വർണാഭരണവും പണവും കവർന്നു. ചേവരമ്പലം ഹരിത നഗർ കോളനിയ ിലെ അജിതയുടെ വീട്ടിലാണ് കവർച്ച. രണ്ടുപവൻെറ സ്വർണമാലയും ആയിരം രൂപയുമാണ് കവർന്നത്. ബന്ധുവിൻെറ മരണത്തെ തുടർന്ന് അജിതയും മകൻ ശ്യാംജിത്തും മേയ് ആറിന് വീടുപൂട്ടി വയനാട്ടിലേക്ക് പോയിരുന്നു. ചൊവ്വാഴ്ച രാവിലെ വീട്ടിൽ തിരിച്ചെത്തിയപ്പോഴാണ് മോഷണവിവരം അറിയുന്നത്. വീടിൻെറ അടുക്കളഭാഗത്തെ വാതിൽ കുത്തിത്തുറന്ന മോഷ്ടാവ് മുകൾനിലയിലെ കിടപ്പുമുറിയിലെ അലമാരയിൽ സൂക്ഷിച്ച സ്വർണാഭരണവും പണവുമാണ് കവർന്നത്. അലമാരയിലെ വസ്ത്രങ്ങളും മറ്റും വാരിവലിച്ചിട്ടിട്ടുണ്ട്. മോഷടാവ് കൊണ്ടുവന്ന മുളകുപൊടി മുറിയിലാകെ വിതറിയിട്ടുണ്ട്. വിരലടയാള വിദഗ്ധൻ വി.പി. കരീം സ്ഥലത്തെത്തി തെളിവുകൾ ശേഖരിച്ചു. മെഡിക്കൽ കോളജ് പൊലീസ് കേസ് രജിസ്റ്റർ ചെയ്ത് അന്വേഷണം തുടങ്ങി.