പലിശ വിമുക്ത സാമ്പത്തീക സംവിധാനത്തിന് നിയമനിർമാണം വേണം- ടി.ആരിഫലി

കോഴിക്കോട്: പലിശ മുക്തമായിട്ടുള്ള സാമ്പത്തിക സംവിധാനത്തിന് അനുകൂലമായ നിയമനിർമാണം നടത്തണമെന്ന് ജമാഅത്തെ ഇസ്‌ലാമി അഖിലേന്ത്യ ജനറൽ സെക്രട്ടറിയും സഹൂലത്ത് മൈക്രോഫിനാൻസ് സൊസൈറ്റി പ്രസിഡൻറുമായ ടി. ആരിഫലി പറഞ്ഞു. 'സംഗമം' മൾട്ടി സ്റ്റേറ്റ് കോഓപറേറ്റിവ് സൊസൈറ്റിയുടെ അഡിമിനിസ്ട്രേറ്റിവ് ഓഫിസ് ഉദ്ഘാടനം ചെയ്യുകയായിരുന്നു അദ്ദേഹം. സംഗമം പ്രസിഡൻറ് ടി.കെ. ഹുസൈൻ അധ്യക്ഷത വഹിച്ചു. ഇന്ത്യൻ സൻെറർ ഫോർ ഇസ്‌ലാമിക് ഫിനാൻസ് ജനറൽ സെക്രട്ടറി എച്ച്. അബ്‌ദു റഖീബ്, കേരള വ്യാപാരി വ്യവസായി ഏകോപന സമിതി പ്രസിഡൻറ് ടി. നസിറുദ്ദീൻ, എം.വി.ആർ കാൻസർ സൻെറർ ചെയർമാൻ സി.എൻ. വിജയകൃഷ്ണൻ എന്നിവർ സംസാരിച്ചു. അരയിടത്തുപാലം ബേബി മെമ്മോറിയൽ ആശുപത്രിക്ക് സമീപമാണ് ഓഫിസ്.