വിദ്യാലയത്തി​െൻറ 'രക്ഷിതാവ്​' പ്രധാനാധ്യാപകൻ ശാഫി കോട്ടയിൽ മലയിറങ്ങുന്നു

വിദ്യാലയത്തിൻെറ 'രക്ഷിതാവ്' പ്രധാനാധ്യാപകൻ ശാഫി കോട്ടയിൽ മലയിറങ്ങുന്നു തിരുവമ്പാടി: സമുദ്രനിരപ്പിൽനിന്ന് 2000 അടി ഉയരത്തിലുള്ള കൂടരഞ്ഞി പൂവാറംതോട് ഗ്രാമത്തിൻെറ പ്രിയ പ്രധാനാധ്യാപകൻ മലയിറങ്ങുകയാണ്. പൂവാറംതോട് ഗവ. എൽ.പി സ്കൂൾ പ്രധാനാധ്യാപകൻ ശാഫി കോട്ടയിൽ പടിയിറങ്ങുന്നത് സ്കൂളിൻെറയും നാടിൻെറയും ഒേട്ടറെ വികസനപ്രവർത്തനങ്ങൾക്ക് ചുക്കാൻപിടിച്ച ശേഷമാണ്. വിദ്യാഭ്യാസ പിന്നാക്കാവസ്ഥയുള്ള പ്രദേശത്ത് 40ഓളം ആദിവാസി കുടുംബങ്ങളുണ്ട്. ആദിവാസി കുട്ടികളെ വിദ്യാലയത്തിലെത്തിക്കാനുള്ള പ്രധാനാധ്യാപകൻെറ ശ്രമങ്ങൾ വിജയംകണ്ടു. വിദ്യാലയത്തിലെ കുടിവെള്ള പ്രശ്നത്തിന് പരിഹാരമായി കുഴൽ കിണർ നിർമിച്ചുനൽകി. 36 വർഷത്തെ സേവനത്തിനുശേഷം മാർച്ച് 31ന് വിരമിക്കുന്ന ഇദ്ദേഹം 1987ൽ വയനാട് നീർവാരം ജി.എച്ച്.എസ്.എസിലാണ് അധ്യാപനം തുടങ്ങിയത്.