വേനൽക്കാല ക്യാമ്പ്

കോഴിക്കോട്: കിണാശ്ശേരി ഒലീവ് ഇംഗ്ലീഷ് മീഡിയം സ്കൂൾ സ്പോർട്സ് ക്ലബിൻെറ ആഭിമുഖ്യത്തിൽ അത്ലറ്റിക്സ്, ഫുട്ബാൾ, ഹോ ക്കി, ഹാൻഡ്ബാൾ എന്നിവയിൽ പരിശീലനം നൽകുന്ന 'ഗെയിം ഓൺ' വേനൽക്കാല ക്യാമ്പ് പി.ടി.എ പ്രസിഡൻറ് എ.ടി. നാസർ ഉദ്ഘാടനം ചെയ്തു. പ്രധാനാധ്യാപകൻ മോഹനൻ കുന്നുമ്മൽ അധ്യക്ഷത വഹിച്ചു. കേരള ഹോക്കി അസോസിയേഷൻ ജില്ല കമ്മിറ്റി സ്കൂളിന് നൽകുന്ന ഹോക്കി സ്റ്റിക്കുകളുടെ വിതരണം ചെയർമാൻ വളപ്പിൽ മുഹമ്മദ് കോയ നിർവഹിച്ചു. സ്പോർട്സ് കൺവീനർ അജ്നാസ് ഏറ്റുവാങ്ങി. എൽ.പി വിഭാഗം പ്രധാനാധ്യാപിക മോളി പാട്രിക്, എൻ. നാസി മൂപ്പൻ, അഡ്മിനിസ്ട്രേറ്റർ എ. ഫസലുറഹ്മാൻ, രമിത റോഷിൻ, പരിശീലകൻ എം.വി. സാബിത്ത്, കോഴിക്കോട് ഹോക്കി അസോസിയേഷൻ സെക്രട്ടറി നവാസ് എന്നിവർ സംസാരിച്ചു. ഏപ്രിൽ 25 വരെയാണ് ക്യാമ്പ്.