സാമൂഹികക്ഷേമ പെൻഷൻ ആരംഭിച്ചു

കക്കട്ടിൽ: സംസ്ഥാന സർക്കാറി​െൻറ സാമൂഹികക്ഷേമ പെൻഷൻ വിതരണം ആരംഭിച്ചു. കർഷകത്തൊഴിലാളി വിധവ, വാർധക്യകാലം, വികല ാംഗ-അവിവാഹിതർക്കുള്ള പെൻഷൻ തുടങ്ങിയ പെൻഷനുകളാണ് വിതരണം ചെയ്യുന്നത്. കക്കട്ട് സഹകരണ റൂറൽ ബാങ്ക് നരിപ്പറ്റ കുന്നുമ്മൽ പഞ്ചായത്തുകളിലെ 3684 പേർക്ക് പെൻഷൻ നിത്യനിധി കലക്ഷൻ ഏജൻറുമാർ വഴി വീടുകളിലെത്തി വിതരണം ആരംഭിച്ചു. പെൻഷൻ വിതരണത്തി​െൻറ ഔപചാരിക വിതരണം കക്കട്ടിൽ റൂറൽ ബാങ്ക് പ്രസിഡൻറ് കെ. കൃഷ്ണൻ കക്കട്ടിലെ മീത്തലെ ചന്ത്രോത്ത് മാതു അമ്മക്ക് നൽകി ഉദ്ഘാടനം ചെയ്തു. ബാങ്ക് സെക്രട്ടറി ദയാനന്ദൻ കരുപ്പള്ളി അധ്യക്ഷനായി. അസി. സെക്രട്ടറി കെ.ടി. വിനോദൻ, വി.പി. മോഹൻകുമാർ എന്നിവർ സംസാരിച്ചു.