ചെറുവണ്ണൂർ ഹൈസ്​കൂൾ പൂർവവിദ്യാർഥി കൂട്ടായ്​മ

ഫറോക്ക്: ഫാറൂക്ക് ചെറുവണ്ണൂർ ഹൈസ്കൂളിലെ 1991-92 ബാച്ചിലെ പൂർവവിദ്യാർഥി കൂട്ടായ്മ രൂപവത്കരിച്ചു. പൂർവവിദ്യാർഥികൾ കോഴിക്കോട് മാനാഞ്ചിറ മൈതാനത്ത് ഒത്തുചേർന്ന ചടങ്ങിൽ സ്വാഗതസംഘം കൺവീനർ കെ. ഷഹീർബാബു അധ്യക്ഷത വഹിച്ചു. വിദ്യാർഥി സംഗമം നടത്തുന്നതിനായി കോഓഡിനേഷൻ കമ്മിറ്റി രൂപവത്കരിച്ചു. ഫോൺ: 9895577802. ബസ്റൂട്ടും സ്റ്റോപ്പും അനുവദിക്കണം ഫറോക്ക്: ഫറോക്ക് ബസ്സ്റ്റാൻഡ് വഴി കെ.എസ്.ആർ.ടി.സി ബസ്റൂട്ടും സ്റ്റോപ്പും അനുവദിക്കണമെന്ന് ഫറോക്ക് വ്യാപാരി വ്യവസായി സമിതി യൂനിറ്റ് സമ്മേളനം ആവശ്യപ്പെട്ടു. സമിതി ജില്ല പ്രസിഡൻറ് സൂര്യ അബ്ദുൾ ഗഫൂർ ഉദ്ഘാടനം ചൈയ്തു, യൂനിറ്റ് പ്രസിഡൻറ് ടി. ബാലകൃഷ്ണൻ അധ്യക്ഷത വഹിച്ചു. 50 വർഷമായി ഫറോക്കിൽ കച്ചവടം ചെയ്യുന്ന വ്യാപാരികളായ തേനേരി ബാലകൃഷ്ണൻ, പെന്നേംപറമ്പത്ത് മോഹനദാസൻ, മാട്ടുപുറത്ത് ചന്ദ്രൻ, എം. രാജൻ, പൊറ്റത്തിൽ ഗോപാലൻ, കെ. ചന്ദ്രൻ, ആലംപെറ്റ ചന്ദ്രൻ എന്നിവരെ ആദരിച്ചു.