ചന്ത ജി.എം.യു.പി സ്​കൂളിലെ കുട്ടിക്കൂട്ടായ്​മ ഇത്തവണ തുണയായത് 10 വയസ്സുകാരൻ സച്ചുവിന്

ഫറോക്ക്: ജീവകാരുണ്യപ്രവർത്തനങ്ങളിൽ പ്രകാശം പരത്തി ഫറോക്ക് ചന്ത ജി.എം.യു.പി സ്കൂളിലെ കുട്ടിക്കൂട്ടായ്മയുടെ സ ഹായഹസ്തം ഇത്തവണയെത്തിയത് കൊളത്തറ സ്കൂളിലെ അഞ്ചാം ക്ലാസുകാരൻ സച്ചുവിന്. കൂട്ടായ്മയുടെ ആറാമത്തെ വീൽചെയർ നൽകിയാണ് സഹജീവിസ്നേഹം കാട്ടിയത്. പി.ടി.എ പ്രസിഡൻറ് പി.എൻ. ഫൈസൽ അധ്യക്ഷത വഹിച്ചു. ഫറോക്ക് നഗരസഭ കൗൺസിലർ ഇ.കെ. താഹിറ ഉദ്ഘാടനം ചെയ്തു. ജെ.ആർ.സി സബ് ജില്ല വൈസ് പ്രസിഡൻറ് കെ. മീര മുഖ്യപ്രഭാഷണം നടത്തി.