കടലുണ്ടി വില്ലേജ് ഓഫിസറെ ആദരിച്ചു

കടലുണ്ടി: വില്ലേജ് ഓഫിസിൽ മൂന്നു വർഷത്തിൽ കൂടുതൽ സേവനം നടത്തിയ വില്ലേജ് ഓഫിസർ കെ. സദാശിവന് കടലുണ്ടി സൗഹൃദ കൂട്ടായ്മ ആദരം നൽകി. ഒട്ടേറെ വികസന പ്രവർത്തനങ്ങൾക്ക് വില്ലേജ് ഓഫിസർ നേതൃത്വം നൽകിയതായി കൂട്ടായ്മ വിലയിരുത്തി. ഫ്രണ്ട് ഓഫിസ്, കിണർ നിർമാണം, ഓഫിസിന് അതിർത്തി കെട്ടി സംരക്ഷിക്കൽ, ഹരിതവത്കരണം, പൊതുജനങ്ങൾക്ക് ഇരിക്കാനുള്ള പന്തലും ഇരിപ്പിടവും, ഓഖി കടൽക്ഷോഭത്തിലെയും പ്രളയ ദുരന്തനിവാരണ രംഗത്തെയും പ്രവർത്തനങ്ങളുമൊക്കെ വില്ലേജ് ഓഫിസറുടെ മികച്ച പ്രവർത്തനങ്ങളായിരുന്നു. ബ്ലോക്ക് അംഗം എൻ.കെ. ബിച്ചിക്കോയ പൊന്നാടയണിയിച്ച് ഉപഹാരം നൽകിയായിരുന്നു ആദരം. ഉദയൻ കാർക്കോളി അധ്യക്ഷത വഹിച്ചു. മുരളി മുണ്ടേങ്ങാട്ട്, കൃഷ്ണൻ കാക്കാതിരുത്തി, വേണു കുന്നത്ത്, നാരായണൻ അരിമ്പിടാവിൽ, കെ സുബ്രമണ്യൻ, ടി. രാജൻ, ജുഗുനു പ്രജോഷ്, സുരേഷ് മയ്യാൻ, പി. സുന്ദരൻ എന്നിവർ സംസാരിച്ചു.