ഓട്ടത്തിനിടെ പാലത്തി​ൽ സ്വകാര്യ ബസി​െൻറ ടയർ പൊട്ടി; ദേശീയപാതയിൽ ഗതാഗതം താറുമാറായി

ഫറോക്ക്: ഓട്ടത്തിനിടെ പാലത്തി​െൻറ മധ്യത്തിൽ സ്വകാര്യ ബസി​െൻറ ടയർ പൊട്ടിയതിനെ തുടർന്ന് ദേശീയപാതയിൽ ഗതാഗതം താറുമാറായി. ശനിയാഴ്‌ച രാത്രി ഏഴര മണിയോടെയാണ് കോഴിക്കോട്ടുനിന്നും പരപ്പനങ്ങാടിയിലേക്ക് വരുകയായിരുന്ന ഫെർഫെക്റ്റ് ബസി​െൻറ പിറകുവശത്തെ ടയർ പാലത്തി​െൻറ മധ്യത്തിൽ വൻ ശബ്ദത്തോടെ പൊട്ടിയത്. ഇതോടെ, ഇരുവശത്തുമുള്ള വാഹനങ്ങൾ പാലത്തിൽ കുടുങ്ങി. മണിക്കൂറോളം ദേശീയപാതയിൽ വാഹനഗതാഗതം സ്തംഭിച്ചു. തുടർന്ന് പൊലീസെത്തി ഇരുവശത്തേക്കും വൺവേയായി ഗതാഗതം ഭാഗികമായി പുനഃസ്ഥാപിച്ചു. ബസ് പാലത്തിൽ നിന്നും നീക്കാത്തതിനാൽ രാത്രി വൈകിയും ഇതുവഴിയുള്ള ഗതാഗതം താറുമാറായി.