പരസ്യ ബോർഡുകൾ നീക്കിയില്ല

നന്മണ്ട: റോഡരികിൽ അനധികൃതമായി സ്ഥാപിച്ച പരസ്യ ബോർഡുകൾ, ബാനറുകൾ തുടങ്ങിയവ നീക്കം ചെയ്യണമെന്ന ജില്ല ഭരണകൂടത്തി​െൻറ അറിയിപ്പ് പാലിക്കാതെ നന്മണ്ട ഗ്രാമപഞ്ചായത്ത്. കോഴിക്കോട്-ബാലുശ്ശേരി പാതയിലെ പ്രധാന അങ്ങാടിയായ നന്മണ്ട 13ൽ നിരവധി ബോർഡുകളും ബാനറുകളും സ്ഥാപിച്ചിട്ടുണ്ട്. നടപ്പാത കൈയേറ്റത്തിനും അനധികൃത കെട്ടിട നിർമാണത്തിനും ഒത്താശ ചെയ്യുന്ന ഉദ്യോഗസ്ഥർ അനധികൃതമായി ബോർഡുകൾ സ്ഥാപിച്ച രാഷ്ട്രീയ നേതൃത്വത്തിനെതിരെ കണ്ണടക്കുകയാണെന്നാണ് നാട്ടുകാർ പറയുന്നത്.