മുഹമ്മദ്​ റഫി റോഡ്​ നവീകരണത്തിന്​ 165 ലക്ഷം

കോഴിക്കോട്: കസ്റ്റംസ് റോഡിനും വെള്ളയിലിനുമിടയിലുള്ള മുഹമ്മദ് റഫി റോഡ് നവീകരണത്തിന് 165 ലക്ഷം രൂപയുടെ ഭരണാനുമതി. മത്സ്യബന്ധന വകുപ്പിൽനിന്നാണ് റോഡി​െൻറ നിലവാരം ഉയർത്താനുള്ള പദ്ധതിക്ക് ഭരണാനുമതിയായതെന്ന് എ. പ്രദീപ് കുമാർ എം.എൽ.എ അറിയിച്ചു. ഹാർബർ എൻജിനീയറിങ് വകുപ്പാണ് നിർമാണപ്രവൃത്തി പൂർത്തിയാക്കുക. കോർപറേഷൻ 62ാം വാർഡായ മൂന്നാലിങ്ങലിൽ ഉൾപ്പെടുന്നതാണ് മുഹമ്മദ് റഫി റോഡ്. കരാർ നടപടിക്ക് ശേഷം ആറുമാസത്തിനകം പ്രവൃത്തി തുടങ്ങാനാവുമെന്നാണ് പ്രതീക്ഷ.