ബൈക്ക് ലോറിയിലിടിച്ച് യുവാവിന് പരിക്ക്

കൊടുവള്ളി: ദേശീയപാത 766ൽ കൊടുവള്ളി ടൗണിലെ ഓപൺ എയർ സ്റ്റേജിന് സമീപത്തെ വളവിൽ ബൈക്ക് ലോറിയിലിടിച്ച് യുവാവിന് ഗുരുതര പരിക്ക്. കുന്ദമംഗലം പന്തീർപാടം ചെറുക്കാട് ശഫീഖിനാണ് (27) ഗുരുതരമായി പരിക്കേറ്റത്. ശഫീഖിനെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഞായറാഴ്ച ഉച്ചക്ക് 12.40ഓടെയായിരുന്നു അപകടം. തോൽപ്പെട്ടിയിൽനിന്ന് എറണാകുളത്തേക്ക് ചരക്കുമായി പോവുകയായിരുന്ന ലോറിയിൽ, ദേശീയ പാതയിൽനിന്ന് ഓമശ്ശേരി റോഡിലേക്ക് പ്രവേശിക്കുന്നതിനിടെ ശഫീഖ് ഓടിച്ച ബൈക്ക് ഇടിക്കുകയായിരുന്നു. ലോറിക്കടിയിൽപ്പെട്ട ബൈക്ക് പൂർണമായും തകർന്നു.