ആൾക്കൂട്ടക്കൊല: മണിപ്പൂരിൽ അഞ്ചുപേർ അറസ്​റ്റിൽ

ഇംഫാൽ: മണിപ്പൂരിൽ മോഷണം ആരോപിച്ച് യുവാവിനെ ആൾക്കൂട്ടം ആക്രമിച്ച് കൊന്ന കേസിൽ അഞ്ചുപേർ അറസ്റ്റിൽ. കേടതിയിൽ ഹാജരാക്കിയ പ്രതികളെ റിമാൻഡ് ചെയ്തു. ഇരുചക്രവാഹനമോഷണശ്രമം ആരോപിച്ചാണ് ആക്രമണം. ഇരക്ക് ഒപ്പമുണ്ടായിരുന്ന രണ്ടുപേർ ഒാടി രക്ഷപ്പെട്ടു. ആക്രമണത്തിൽ പങ്കാളികളായ നാലുപേരും വാഹന ഉടമയുമാണ് പിടിയിലായത്. ഉടമയെ അറസ്റ്റ് ചെയ്തത് എന്തിനാണെന്ന് വെളിപ്പെടുത്താൻ പൊലീസ് വിസമ്മതിച്ചു. അറസ്റ്റ് ചെയ്തവരെ വിട്ടയക്കണമെന്ന് ആവശ്യപ്പെട്ട് നാട്ടുകാർ പൊലീസ് സ്റ്റേഷൻ ഉപരോധിച്ചിരുന്നു. സംഭവത്തിൽ മനുഷ്യാവകാശ കമീഷൻ സ്വമേധയാ കേസെടുത്തു. ഇൗ മാസം 22നകം ഡി.ജി.പിേയാട് റിപ്പോർട്ട് നൽകണം.