പ്രതിസന്ധികളിൽ രക്ഷകരായി അവതരിക്കണം നാം -മേജർ ഹേമന്ത് ​രാജ്

നന്തിബസാർ: പ്രളയ രക്ഷാപ്രവർത്തനങ്ങൾക്ക് നേതൃത്വം നൽകിയ മേജർ ഹേമന്ത് രാജിന് ചിങ്ങപുരം സി.കെ.ജി.എം.എച്ച്.എസ്.എസിൽ സ്വീകരണം നൽകി. വിദ്യാർഥികളുമായി രക്ഷാപ്രവർത്തന അനുഭവങ്ങൾ പങ്കുവെച്ചു. വിദ്യാർഥികൾക്ക് പ്രതിസന്ധികളിലും പ്രയാസങ്ങളിലും രക്ഷകരായി അവതരിക്കണം എന്ന സന്ദേശം നൽകി. സ്വീകരണ യോഗത്തിൽ സ്കൂൾ പ്രധാനാധ്യാപകൻ ഇ. സുരേഷ് ബാബു അധ്യക്ഷത വഹിച്ചു. സ്കൂളി​െൻറ സ്നേഹോപഹാരം ഡെപ്യൂട്ടി ഹെഡ്മിസ്ട്രസ് കെ. ഗീത സമർപ്പിച്ചു. പി.ടി.എ പ്രസിഡൻറ് വി.വി. സുരേഷ് സംസാരിച്ചു. പ്രിൻസിപ്പൽ ഇൻ ചാർജ് അനീഷ് സ്വാഗതവും കെ. ഗീത നന്ദിയും പറഞ്ഞു.