'എല്ലാ ഗസറ്റഡ്​ ഒാഫിസർമാരും ഒരു മാസത്തെ ശമ്പളം നൽകുക'

കോഴിക്കോട്: മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു മാസത്തെ ശമ്പളം നൽകാൻ വെള്ളിയാഴ്ച പൊലീസ് ക്ലബിൽ ചേർന്ന കെ.ജി.ഒ.എ ജില്ല കൗൺസിൽ യോഗം തീരുമാനിച്ചു. കെ.ജി.ഒ.എയുടെ ഭാരവാഹികളും ജില്ല കമ്മിറ്റി അംഗങ്ങളും ഒരുമാസത്തെ ശമ്പളം രണ്ട് ഗഡുക്കളായി നൽകും. പ്രളയ ദുരിതാശ്വാസ പ്രവർത്തനത്തിൽ രാപ്പകലില്ലാതെ സേവനം ചെയ്തവരെ ജില്ല കൗൺസിൽ അഭിനന്ദിച്ചു. കെ.ജി.ഒ.എ സംസ്ഥാന വൈസ് പ്രസിഡൻറ് ഇ.ടി. ബിന്ദു കൗൺസിൽ ഉദ്ഘാടനം ചെയ്തു. പ്രസാദ്, കെ. മനോജ്, ഡോ. ബിനോയ്, പ്രേമൻ തറവട്ടത്ത്, അഗസ്റ്റിൻ, കെ. ഷീബ എന്നിവർ സംസാരിച്ചു. കെ.ജി.ഒ.എ ജില്ല പ്രസിഡൻറ് ഡോ. കെ. ഷാജി അധ്യക്ഷത വഹിച്ചു. ജില്ല സെക്രട്ടറി എസ്. സുലൈമാൻ സ്വാഗതം പറഞ്ഞു.