കനോലി കനാൽ ശുചീകരണത്തിൽ പങ്കാളികളായി എം.ഇ.എസ്

കോഴിക്കോട്: ഓപറേഷൻ കനോലി കനാൽ പദ്ധതിയിൽ പങ്കാളികളായി എം.ഇ.എസ്. കാരപ്പറമ്പ് പാലം മുതൽ കക്കുഴിപാലം വരെ ഇരുവശവും 200 പേർ അടങ്ങുന്ന സംഘം ശുചീകരിച്ചു. പരിസ്‌ഥിതി പ്രവർത്തകൻ പ്രഫ. ശോഭീന്ദ്രൻ ഉദ്ഘാടനം നിർവഹിച്ചു. എം.ഇ.എസ് ജില്ല പ്രസിഡൻറ് സി.ടി. സക്കീർ ഹുസൈൻ അധ്യക്ഷത വഹിച്ചു. ബാബു പറമ്പത്ത്, അഡ്വ. എ. വിശ്വനാഥൻ, ഷൗക്കത്ത് അലി, പി.എച്ച്. മുഹമ്മദ് എന്നിവർ സംസാരിച്ചു. സമാപന സമ്മേളനത്തിൽ സെക്രട്ടറി പി.കെ. അബ്ദുൽ ലത്തീഫ് അധ്യക്ഷത വഹിച്ചു. പരിസ്‌ഥിതി പ്രവർത്തകൻ എം.എ. ജോൺസൺ, സി.എസ്. രമേശ് കുമാർ, കെ. ദൃശ്യ എന്നിവർ സംസാരിച്ചു.