ഫാറൂഖ് കോളജിന് അക്ഷരമധുരം നൽകി മുൻ അധ്യാപകൻ

ഫറോക്ക്: അധ്യാപക ദിനത്തോടനുബന്ധിച്ച് ഫാറൂഖ് കോളജ് അറബിവിഭാഗത്തിലെ പൂർവവിദ്യാർഥിയും അധ്യാപകനുമായ ഡോ. കെ.എം. മുഹമ്മദ്‌ സ്ഥാപനത്തിന് സമ്മാനിച്ചത് ത​െൻറ അക്ഷര സമ്പാദ്യത്തി​െൻറ മികച്ചശേഖരം. അറബി ഭാഷ, സാഹിത്യം, ചരിത്രം, സംസ്കാരം, നാഗരികത, മാനവികത തുടങ്ങി തലങ്ങളിലുള്ള ഗ്രന്ഥങ്ങൾ, മാഗസിനുകൾ, റിസർച്ച് ജേണലുകൾ അടങ്ങുന്നവയാണ് അദ്ദേഹം ഫാറൂഖ് കോളജിന് കൈമാറിയത്. ഫാറൂഖ് കോളജ് ലൈബ്രറി സയൻസ് മുൻ മേധാവി ഡോ. ടി.പി.ഒ നാസിറുദ്ദീൻ ഏറ്റുവാങ്ങി. അറബി പഠന-ഗവേഷണ വകുപ്പ് മേധാവി ഡോ. അലി നൗഫൽ, അധ്യാപകരായ ഡോ. യൂനുസ് സലിം, ഡോ. സാജിദ്, ഡോ. അബ്ദുൽ മജീദ്, ഡോ. യു.പി. മുഹമ്മദ് ആബിദ്, ഡോ. സഗീറലി, ഇസ്ഹാഖ് എന്നിവർ പങ്കെടുത്തു.