ദുരിതാശ്വാസ നിധിയിലേക്ക് സംഭാവന ചെയ്തു

നന്മണ്ട: സീനിയർ സിറ്റിസൺ നന്മണ്ട പഞ്ചായത്ത് കമ്മിറ്റി സ്വരൂപിച്ച 26,321 രൂപ ജില്ല പ്രസിഡൻറ് പി. ബാലൻ കുറുപ്പിന് കൈമാറി. പ്രസിഡൻറ് പി. ബാലക്കുറുപ്പ് അധ്യക്ഷത വഹിച്ചു. ഇ. ചന്ദ്രൻ, എൻ. കുമാരൻ നായർ, കെ.ടി. ബാലൻ നായർ എന്നിവർ സംസാരിച്ചു. നന്മണ്ട: തളി ഉമാ മഹേശ്വര സ്വയംസഹായ സംഘം സ്വരൂപിച്ച 20,000 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി. പി. ബാലക്കുറുപ്പ്, സി.പി. ശ്രീധരൻ, കെ.വി. ശങ്കരൻ നായർ, കെ.ടി. ബാലൻ നായർ എന്നിവർ സംസാരിച്ചു. നന്മണ്ട: നവകേരള സൃഷ്ടിക്കായി വ്യാപാരി വ്യവസായി ഏകോപന സമിതി നന്മണ്ട യൂനിറ്റ് സ്വരൂപിച്ച 25,000 രൂപയുടെ ചെക്ക് വില്ലേജ് ഓഫിസർ പ്രജീഷ് കുട്ടിക്കണ്ടിക്ക് കൈമാറി. എം.കെ. ഗംഗാധരൻ, സി. കേശവൻ നായർ, സി. ശിവരാമൻ, രഘുനാഥ് മൂത്തൻകണ്ടി, വനിത അംഗങ്ങൾ എന്നിവർ സംബന്ധിച്ചു.