ദുരിതാശ്വാസ നിധി: ജില്ല കലാധ്യാപകർ തത്സമയ മുഖവര നടത്തും

മുക്കം: മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം സ്വരൂപിക്കാൻ കെ.എസ്.ടി.എയുടെ ആഭിമുഖ്യത്തിൽ ജില്ലയിലെ കലാധ്യാപകർ ഈ മാസംഎട്ടിന് രാവിലെ 10ന് മുക്കം ബസ് സ്റ്റാൻഡ് പരിസരത്ത് തത്സമയ മുഖവര സംഘടിപ്പിക്കുന്നു. സിഗ്നി ദേവരാജ് നേതൃത്വം നൽകും. കെ.എസ്.ടി.എയുടെ മുക്കം ഉപജില്ലയിലെ അധ്യാപകർ ഒരു മാസത്തെ ശമ്പളം ദുരിതാശ്വാസ നിധിയിലേക്ക് നൽകാൻ തീരുമാനിച്ചു. എം.പി. മജീദ് അധ്യക്ഷത വഹിച്ചു. ടി.ടി. ഷാജി, ബബിഷ, അജിഷ് എൻ. രവീന്ദ്രൻ, മനോജ് കുമാർ എന്നിവർ സംസാരിച്ചു.