പ്രളയത്തിൽ നനഞ്ഞ പുസ്തകങ്ങൾക്ക് പകരം പുസ്തകങ്ങൾ ഒരുക്കി പിഞ്ചോമനകൾ എത്തി

ഫറോക്ക്: ചേട്ടന്മാരുടെയും ചേച്ചിമാരുടെയും നനഞ്ഞുപോയ നോട്ടുപുസ്തകങ്ങൾക്കുപകരം നോട്ടുപുസ്തകങ്ങളുമായി കുഞ്ഞനിയന്മാരും അനിയത്തികളുമെത്തി. കടലുണ്ടി ശ്രീദേവി എ.യു.പി.സ്കൂളിലെ ഹിന്ദി ക്ലബായ ആയ്നയുടെ പ്രവർത്തകരായ വിദ്യാർഥികളാണ് പ്രളയത്തിൽ പുസ്തകങ്ങൾ നഷ്ടമായ ചെറുവണ്ണൂർ ഹയർ സെക്കൻഡറി സ്കൂളിലെ വിദ്യാർഥികൾക്ക് നോ ട്ടുപുസ്തകങ്ങളുമായി എത്തിയത്. സ്കൂളിലെ ഹിന്ദി ക്ലബിലെ വിദ്യാർഥികളും മറ്റു സഹകരണത്തോടെയും കുട്ടികൾ ശേഖരിച്ച പുസ്തകങ്ങൾ സ്കൂളിൽ എത്തിച്ച്നൽകുകയായിരുന്നു. ചെറുവണ്ണൂർ ഗവ. ഹയർ സെക്കൻഡറി സ്കൂളിൽ നടന്ന ചടങ്ങിൽ പ്രധാന അധ്യാപകൻ ടി. അജിത്ത്കുമാർ പുസ്തകങ്ങൾ അധ്യാപകനായ സജിത്ത് കുന്നത്തിൽനിന്ന് ഏറ്റുവാങ്ങി. പി.ടി.എ പ്രസിഡൻറ് കെ. മായിൻ അധ്യക്ഷത വഹിച്ചു. ഹയർ സെക്കൻഡറി സ്കൂൾ പ്രിൻസിപ്പൽ സുഷമ എസ്. ജേക്കബ്, വി.എച്ച്.എസ്.സി പ്രിൻസിപ്പൽ പി. സജീവ് കുമാർ, അധ്യാപകരായ കെ.ടി. ഗോപാലൻ, വി.പി. പ്രഭ എന്നിവർ സംസാരിച്ചു. photo: notebook10.jpg കടലുണ്ടി ശ്രീദേവി സ്കൂൾ ഹിന്ദി അധ്യാപകൻ സജിത്ത് കുന്നത്തിൽനിന്ന് പ്രധാന അധ്യാപകൻ ടി. അജിത്ത് കുമാർ പുസ്തകങ്ങൾ ഏറ്റുവാങ്ങുന്നു