എ.ടി.എമ്മിൽനിന്ന്​ പണമെടുത്തത് ഒരു തവണ; നഷ്​ടമായത് രണ്ടു തവണ

എ.ടി.എമ്മിൽനിന്ന് പണമെടുത്തത് ഒരു തവണ; നഷ്ടമായത് രണ്ടു തവണ കാരാട്: എ.ടി.എമ്മിൽനിന്ന് ഒറ്റത്തവണ പണം പിൻവലിച്ച അക്കൗണ്ട് ഉടമക്ക് രണ്ടു തവണ പണം നഷ്ടപ്പെട്ടു. എസ്.ബി.ഐ കൊണ്ടോട്ടി ബ്രാഞ്ചിൽ അക്കൗണ്ടുള്ള ഐക്കരപ്പടി സ്വദേശി വൃന്ദ ശശികുമാറിനാണ് ആഗസ്റ്റ് എട്ടിന് പണം നഷ്ടമായത്. ഐക്കരപ്പടിയിലെ എ.ടി.എമ്മിൽ നിന്നാണ് വൈകീട്ട് ആറു മണിയോടെ 5000 രൂപ പിൻവലിച്ചത്. വീട്ടിലെത്തി രാത്രി 8.15ഓടെ വീണ്ടും 5000 രൂപ പിൻവലിച്ചതായി ഫോണിൽ സന്ദേശം വന്നു. പിറ്റേന്നുതന്നെ കൊണ്ടോട്ടി ബ്രാഞ്ചിൽ പരാതി നൽകിയെങ്കിലും വീഴ്ചയില്ലെന്ന മറുപടിയാണ് ബാങ്ക് രേഖാമൂലം നൽകിയത്. സി.സി.ടി.വി ദൃശ്യങ്ങൾ പരിശോധിച്ച് പണം അപഹരിച്ചവരെ കണ്ടെത്താൻ ബാങ്ക് ശ്രമിച്ചിട്ടില്ലെന്ന് ആരോപണമുണ്ട്.