ഫോട്ടോഗ്രാഫേഴ്സ് സമ്മേളനം

കടലുണ്ടി: വിവിധ പരിപാടികൾക്ക് ചിത്രങ്ങൾ പകർത്തുന്ന ഫോട്ടോഗ്രാഫർമാർ സംഘടന നൽകുന്ന തിരിച്ചറിയൽ കാർഡ് നിർബന്ധമായും ധരിക്കണമെന്ന് ഒാൾ കേരള ഫോട്ടോഗ്രാഫേഴ്സ് അസോസിയേഷൻ കടലുണ്ടി യൂനിറ്റ് സമ്മേളനം തീരുമാനിച്ചു. തിരിച്ചറിയൽ കാർഡുകളുടെ വിതരണോദ്ഘാടനം മേഖല ജോ. സെക്രട്ടറി കെ. പുഷ്കരൻ നിർവഹിച്ചു. കെ. വിവേകാനന്ദൻ സന്ധ്യ സ്റ്റുഡിയോ ഏറ്റുവാങ്ങി. എ. പ്രജോദ് ചിത്രവർണ അധ്യക്ഷത വഹിച്ചു. മേഖല സെക്രട്ടറി സി. പ്രജോഷ്, യൂനുസ് കടലുണ്ടി, പി.കെ. രജീഷ് കിരൺ സ്റ്റുഡിയോ, ടി. അശോക് കുമാർ എന്നിവർ സംസാരിച്ചു.