വി.പി. സത്യൻ സോക്കർ സ്​കൂൾ, എച്ച്​.എം.സി.എ സെമി ഫൈനലിൽ

കോഴിക്കോട്: മലബാർ ക്രിസ്ത്യൻ കോളജ് ഗ്രൗണ്ടിൽ നടക്കുന്ന 23ാമത് ഇ.സി. ഭരതൻ സബ്ജൂനിയർ ഫുട്ബാൾ ടൂർണമ​െൻറിൽ എച്ച്.എം.സി.എ കോഴിക്കോട് എതിരില്ലാത്ത രണ്ട് ഗോളുകൾക്ക് വി.പി. സത്യൻ സോക്കർ സ്കൂൾ എ ടീമിനെ പരാജയപ്പെടുത്തി സെമിയിലെത്തി. വിജയികൾക്കുവേണ്ടി അത്തൂഫ്, ഹൻസാൽ എന്നിവർ ഒാരോ ഗോൾവീതം നേടി. രണ്ടാമത്തെ ക്വാർട്ടർ ഫൈനൽ മത്സരത്തിൽ വി.പി. സത്യൻ സോക്കർ സ്കൂൾ ബി ടീം ൈട്രബ്രേക്കറിൽ 3-0ന് ഒാറഞ്ച് ഫുട്ബാൾ അക്കാദമിയെ പരാജയപ്പെടുത്തി സെമിഫൈനലിൽ പ്രവേശിച്ചു. മത്സരം മുഴുവൻ സമയം പിന്നിട്ടപ്പോൾ ഇരു ടീമുകളും 2-2 തുല്യത പാലിച്ചു.