വാഴയൂർ ഗ്രാമപഞ്ചായത്ത് സാരഥികളെ ആദരിച്ചു

കാരാട്: നികുതി പിരിവിലും പദ്ധതി നിർവഹണത്തിലും മികച്ച നേട്ടം കൈവരിച്ച വാഴയൂർ ഗ്രാമപഞ്ചായത്ത് സാരഥികളെ എൻ.സി.പി വാഴയൂർ മണ്ഡലം കമ്മിറ്റി ആദരിച്ചു. ഗതാഗത മന്ത്രി എ.കെ. ശശീന്ദ്രനിൽ നിന്ന് ഗ്രാമപഞ്ചായത്ത് പ്രസിഡൻറ് വിമല പാറക്കണ്ടത്തിൽ വൈസ് പ്രസിഡൻറ് എൻ. ഭാഗ്യനാഥ് എന്നിവർ അവാർഡ് സ്വീകരിച്ചു. മികച്ച വിജയം നേടിയ വിദ്യാർഥികളെയും ചടങ്ങിൽ ആദരിച്ചു. തയ്യൽ തൊഴിലാളികൾക്കുള്ള ക്ഷേമനിധി വിതരണം എൻ.സി.പി സംസ്ഥാന ട്രഷറർ അഡ്വ. ബാബു കാർത്തികേയനും പുസ്തക വിതരണം എൻ.എൽ.സി സംസ്ഥാന പ്രസിഡൻറ് ചന്ദ്രശേഖരനും നിർവഹിച്ചു. സി. ഹുസ്സൈൻ അധ്യക്ഷത വഹിച്ചു. തിരുവച്ചിറ മോഹൻ ദാസ്, വാസൻ, ഇ.എ. മജീദ്, സദാശിവൻ, ഫൈസൽ എന്നിവർ സംസാരിച്ചു. സമദ് മുറാദ് സ്വാഗതവും മൊയ്തീൻ നന്ദിയും പറഞ്ഞു.