ഇതരസംസ്ഥാന തൊഴിലാളികൾക്ക് ഇൻഷുറൻസ് പദ്ധതി

വർഷത്തിൽ 15,000 രൂപവരെ ചികിത്സ െചലവും മരണമടഞ്ഞാൽ ആശ്രിതർക്ക് രണ്ടുലക്ഷം രൂപയും ആനുകൂല്യം ഫറോക്ക്: ഇതരസംസ്ഥാന തൊഴിലാളികൾക്ക് കേരള സർക്കാർ ഏർപ്പെടുത്തിയ സൗജന്യ ഇൻഷുറൻസ് പദ്ധതി (ആവാസ് ഇൻഷുറൻസ്) രജിസ്ട്രേഷൻ എല്ലാ ദിവസവും രാവിലെ 10 മുതൽ അഞ്ചുമണിവരെ ചെറുവണ്ണൂരിലെ കെ.എസ്.ഇ.ബിക്ക് എതിർവശമുള്ള ഫറോക്ക് അസി. ലേബർ ഓഫിസിൽ നടക്കും. ആവാസ് ഇൻഷുറൻസ് പദ്ധതിപ്രകാരം രജിസ്റ്റർ ചെയ്യുന്ന ആൾക്ക് വർഷത്തിൽ 15,000 രൂപ വരെ ചികിത്സ, ആശുപത്രി െചലവിലേക്കും മരണമടഞ്ഞാൽ ആശ്രിതർക്ക് രണ്ടുലക്ഷം രൂപയും ആനുകൂല്യം ലഭിക്കും. ഈ ആനുകൂല്യം ഇതരസംസ്ഥാന തൊഴിലാളികളെ ജോലിചെയ്യിപ്പിക്കുന്നവരും അവരെ താമസിപ്പിക്കുന്നവരും പ്രയോജനപ്പെടുത്തേണ്ടതാണ്. ഫോൺ: 8547655664. ടെയ്ലറിങ്-ബ്യൂട്ടീഷന്‍ പരിശീലനം രാമനാട്ടുകര: ടെയ്ലറിങ്, ബ്യൂട്ടീഷന്‍ പരിശീലനത്തിന് രാമനാട്ടുകര, അരീക്കാട്, ചെറുവണ്ണൂര്‍ എന്നിവിടങ്ങളിലെ സ​െൻററുകളിലേക്ക് അപേക്ഷ ക്ഷണിച്ചു. താൽപര്യമുള്ളവര്‍ രേഖകളുമായി വെള്ളിയാഴ്ച രാവിലെ 11ന് രാമനാട്ടുകര അനസൂയ സ്‌കൂള്‍ ഓഫ് ഫാഷന്‍ ഡിസൈനിങ് ഇന്‍സ്റ്റിറ്റ്യൂട്ടില്‍ അഭിമുഖത്തിനെത്തണം. ഫോണ്‍: 9946313153.