ജാഗ്രതോത്സവം

കോഴിക്കോട്: പകർച്ചവ്യാധി പ്രതിരോധ കാമ്പയി​െൻറ ഭാഗമായി ഹരിതകേരള മിഷൻ നേതൃത്വത്തിൽ ചേളന്നൂർ പഞ്ചായത്തുതല ദ്വിദിന ക്യാമ്പ് സംഘടിപ്പിച്ചു. ഗ്രാമപഞ്ചായത്ത് പ്രസിഡൻറ് ടി. വത്സല ഉദ്ഘാടനം ചെയ്തു. ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൻ ലീല പുലരി അധ്യക്ഷത വഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ പി. ഇസ്മായിൽ, ഗ്രാമപഞ്ചായത്തംഗം പി. ഗൗരി, ഹെൽത്ത് ഇൻസ്പെക്ടർ കെ.പി. സജി, കുടുംബശ്രീ സി.ഡി.എസ് ചെയർപേഴ്സൺ പി. ബിന്ദു എന്നിവർ സംസാരിച്ചു. പഞ്ചായത്ത് കോഒാഡിനേറ്റർ ശശികുമാർ ചേളന്നൂർ, ഒ.പി. മുരളി, എ. ബാലാമണി, കെ. അംബിക, ജിഷ, ടി. രഞ്ജിനി എന്നിവർ ക്ലാസെടുത്തു. കില, സാക്ഷരത മിഷൻ അതോറിറ്റി, ശുചിത്വ മിഷൻ, കുടുംബശ്രീ മിഷൻ, തദ്ദേശ സ്വയംഭരണ വകുപ്പ്, ആരോഗ്യവകുപ്പ് എന്നിവയുടെ സഹകരണത്തോടെയാണ് പരിപാടി.