റിസൾട്ട്​ അനലൈസിങ്​ സോഫ്റ്റ്‌വെയര്‍ തയാർ

കോഴിക്കോട്: എസ്.എസ്.എല്‍.സി, ഹയര്‍സെക്കൻഡറി, വൊക്കേഷനല്‍ ഹയര്‍സെക്കൻഡറി പൊതുപരീക്ഷകളിലെ സ്‌കൂള്‍തലത്തിലുള്ള ഫലം വിശകലനം ചെയ്യുന്നതിനുള്ള ഒാള്‍ ഇന്‍ വണ്‍ റിസൾട്ട് അനലൈസിങ് സോഫ്റ്റ്‌വെയര്‍ തയാറായി. കാലിക്കറ്റ് ഗേള്‍സ് വൊക്കേഷനല്‍ ആൻഡ് ഹയര്‍ സെക്കൻഡറി സ്‌കൂള്‍ കരിയര്‍ ഗൈഡന്‍സ് വിഭാഗമാണ് ഈ സോഫ്റ്റ്‌വെയര്‍ പുറത്തിറക്കിയത്. www.keralaresults.nic.in തുടങ്ങിയ റിസൾട്ട് പോര്‍ട്ടലുകളില്‍ സ്‌കൂള്‍ കോഡ് നല്‍കി റിസൾട്ട് എക്‌സല്‍ ഷീറ്റിലേക്ക് കോപ്പി ചെയ്ത് സോഫ്റ്റ്‌വെയറില്‍ നൽകണം. കുട്ടികളുടെ ഗ്രേഡ് പോയൻറ് അനുസരിച്ചുള്ള റാങ്ക് ലിസ്റ്റ്, ഫുള്‍ എ പ്ലസുകള്‍, ആകെ ജയം, തോല്‍വികള്‍, സ്‌കൂള്‍ വിജയ ശതമാനം തുടങ്ങിയവയാണ് സോഫ്റ്റ്‌വെയറില്‍ ലഭ്യമാവുക. വിന്‍ഡോസ് പ്ലാറ്റ്‌ഫോമിലുള്ള ഈ സൗജന്യ സോഫ്റ്റ്‌വെയര്‍ www.calicutgirlsschool.org എന്ന വെബ്‌സൈറ്റില്‍നിന്ന് ഡൗണ്‍ലോഡ് ചെയ്ത് ഇൻസ്റ്റാള്‍ ചെയ്ത് ഉപയോഗിക്കാം.