കാണാതായ ബാങ്ക്​ ജീവനക്കാരെ കണ്ടെത്തി

കക്കോടി: കാണാതായ ബാങ്ക് ജീവനക്കാരെ സൂറത്തിൽനിന്ന് കണ്ടെത്തി. എസ്.ബി.െഎ ജീവനക്കാരായ മലാപ്പറമ്പ് സ്വദേശിനി ഋതുരാജ് (30), വേങ്ങേരി സ്വദേശി നന്ദു (30) എന്നിവരെയാണ് ചേവായൂർ പൊലീസ് കണ്ടെത്തിയത്. ഋതുരാജ് ഒരുമാസം മുമ്പ് വിവാഹിതയായിരുന്നു. മറ്റാളുകളുടെ പേരിൽ വിമാന ടിക്കറ്റെടുത്താണ് വിവിധ സംസ്ഥാനങ്ങളിലേക്ക് ഇവർ യാത്ര ചെയ്തതെന്ന് പൊലീസ് പറയുന്നു. ചേവായൂർ സ്റ്റേഷനിലെ വനിത സി.പി.ഒ നിഷ ബഹൻ, സി.പി.ഒ രാജേഷ് പാലേരി എന്നിവരാണ് സൂറത്തിൽനിന്ന് ഇരുവരെയും കസ്റ്റഡിയിലെടുത്തത്. ഇരുവരെയും കാണാതായതായി കാണിച്ച് ചേവായൂർ പോലീസിൽ ബന്ധുക്കൾ പത്തുദിവസം മുമ്പ് പരാതി നൽകിയിരുന്നു. സി.െഎ കെ.കെ. ബിജു, എസ്.െഎ ഇ.കെ. ഷിജു എന്നിവരാണ് കേസ് അന്വേഷിച്ചത്.