സ്​കൂൾ വാർഷികവും ക്ലാസ്​ ലൈബ്രറി ഉദ്​ഘാടനവും

കുന്ദമംഗലം: കാരന്തൂർ എ.എം.എൽ.പി സ്കൂൾ 89ാം വാർഷികം എം.കെ. രാഘവൻ എം.പിയും ക്ലാസ് ലൈബ്രറി ഉദ്ഘാടനം പി.ടി.എ. റഹീം എം.എൽ.എയും നിർവഹിച്ചു. സ്കൂൾ മാനേജർ എം. ബീരാൻഹാജി അധ്യക്ഷത വഹിച്ചു. കുന്ദമംഗലം ഗ്രാമപഞ്ചായത്ത് പ്രസിഡൻറ് ഷമീന വെള്ളക്കാട്ട് പൂർവ വിദ്യാർഥി സംഘടന ഭാരവാഹികളെ ആദരിച്ചു. സ്കൂൾ മാനേജ്മ​െൻറ് സെക്രട്ടറി അഷ്റഫ് ഹാജി കലാകായിക പ്രതിഭകളെ ആദരിച്ചു. ടി.കെ. സൗദ, ഷൈജ വളപ്പിൽ, ബഷീർ പടാളിയിൽ, പ്രഫ. മുഹമ്മദ് എടക്കോത്ത്, സിദ്ദീഖ് തെക്കയിൽ, ഷംസാദ്, സജ്ന, അഹമ്മദ് മാസ്റ്റർ, ഹുെസെൻ മാസ്റ്റർ എന്നിവർ സംസാരിച്ചു.